ودعتك الله ..

"لكل محب على باب الفراق .. ليس الكره غاية المفتاح" 

قد تصفون وداعكم بازهى الحروف لتصوروا صورة الختام في ابهى حلتها ..
ليس لي حبيب على الفراق منتظرُ لكني شاعرة قد اختصر لكم غصة الحروف المودعه ..
ولكم هذه الابيات : 

ودعتك الله واللي راح من عندي ما يعود 

ماعاد له شي في دنياي بصراحه ..

رح سولف لناس عن غدر العيون السود

وكيف صارت بدون اسباب ذبااحه ..

وبعدها سولف للايام عن حمامك الموعود

وكيف طاوعك قلبك تكسر جنااحه ..

وكيف مات بغدرك حلمنا الموعود 

ويادوب شبت ضلوعه .. هبت رياحه ..

مسكين قلبي فرش دربه امل وورود 

وقبل يمشي دروبه ماتت افراحه ..

ان عشت ضامي وطريق الهوى مسدود 

لاتحسب ان السراب في الضما .. واحه 

( ما للهوى حد وانت للاسف في الهوى محدود 

والقلب لو يخسرك .. خسرانك ارباااحه )

تعبت والنفس منك حيلها مهدود 

ما شفتها يوم في دنياك مرتاحه ..

ودعتك الله يانور الضحى الممدود 

ياقمر ليلي ونجماته ومصبااحه ..

ودعتك الله يا نصفي الثاني المفقود 

ودعتك الله واتمنى لك كثير الرااحه ..

-ن.ب