الاثنين، 17 يونيو 2013

الجنون انا ..





يحسبون البعد قد يفرق اثنان قد عاشوا حياة يحلم بها كل عاشق
ولكن تمسك كل منهما بحبه للآخر في اعماقه .. يسمى جنوناً قد يخلد ..
فمرحبا بالجنون مادام يسمح بحبي ان يعيش فيني .. ولكم هذه الابيات :


الحب في خفوقي له اصول ومبادي 
وابذل على شان الحبيب كل الاسباب

عنواني قلب ابيض بالزمن الرمادي 
يشبه ضياع الحق في وقت كذاب 

لي حبيبةٍ مستوطنتني في بعادي
وما احسب للعواذل والبعد اية حساب

لاجتني ارتويت من ثغرها حر الودادي
تنسيني دنيتٍ وانسيها طريق الابواب 

ابني لها بيوتٍ وسط البحر بإمتدادي 
وان ما كفى علقت بكف السما حب باسراب

هي لاحيت من بدهم تملي إفوادي
ولا استثارت غطت عيوني عن كل الاجناب 

مجنونه .. لا والله الجنون انا بوضع امتيازي 
جننتني حببتني حب لو اشرحه ماتفيد الأسباب 

ابعترف اني في عيونها اشوف امتدادي
وان مت يكفي حي بعيونها هي كل الاحباب

            -ن.ب

الجمعة، 7 يونيو 2013

وصيتي في بعدك ..








 خوفي لم يذبل بعد فراقنا ..
بعدك انت .. انا فإن اصابك مكروه اريدك ان تعرف قد اصابني قبلك ..
ابياتي مجرد اني كتبتها ف.هي تعرف طريقها :



امنتك الله في بعدي ترأف بحالك 


وتداري شعوري يوم عيني في قربك غريقه 


خايفٍ عليك من دنياك ودوس ظلالك 


خوفي يصيبك شي وتولع بجوفي حريجه 


بعدي انا يمينك اللي ليا طحت شالك 


لاتحسب فراقنا حد بعدك بالعين القريره 


حس في قلبي دامك ساكنٍ لحالك 


وشف غلاك ما ينقاس يا قطعة ملاكٍ فريده 

                       -ن.ب

الأربعاء، 8 مايو 2013

الغريق العايش في بحرها ..





كل منا يريد صاحب ان ينصحه عن امور الدنيا
وانا لصاحبي المجهول اهديه هذه الابيات :



ياصاحبي بعلمك الليله عن قصةٍ طويله

ليلة الفرقا بعين العاشق اطول من شهرها

والموت اللي يذوب بقلب من يفقد خليله

عندي اكبر من عذاب العين لو تفقد بصرها

ان كان لك حبيبٍ علاقته ماهي جليله

امسح على عيوبه واجهلها حتى لو تكاثرها

حب واعشق وجرب الايام لوهي مريره

محدٍ على اقدار الوالي يقدر يجادلها

عش دنياك حتى لو فرصتك فيها ضئيله

شفني انا الغريق العايش في بحرها


                   -ن.ب

الأحد، 5 مايو 2013

من انتـي ..




كثير منا من لديه الشخص اللذي يغنيه عن كل شي
وكثير منا يتسائل كيف نوصفهم بحروفنا او مشاعرنا
وانا على عشقي للقلم لم اصل حروفي لمكانة هذا الشخص ..
ولعل هذه الابيات ان تكفي بتعبير لها :



انتي .. من انتي يا ملهمت شعري وكتابة شعوري 

انتي .. من انتي يا سبت خلق عيوني لنظرها 

يمكن انتي لو وصفتك خابت الرجا بكتابة حروفي 

يمكن انتي لو تكثر وصوفنا بزينك ما نحصاها

اظن انتي ملاكي الطاهر مكون من جموع احساسي 

اظن انتي مزون دياري خالقه تنعش ظماها 

انتي اللي بختم كتابي لعيونها واخر سطوري 

(دنيتٍ بدون حسك مظلمه .. لو تشرق شمسٍ في سماها)


               -ن.ب






السبت، 4 مايو 2013

ضايقتوا عيونه ..


ضيقها من ضيقتني .. ولها هالابيات :


يانورٍ من الفجر مسروق 
ياصفحه من الاقدار مكتوبه 

ليه الحزن وإنتي لعيوني شروق 
دام بيدينك يومي معلن طلوعه 

ليه المغيب وفي ثغرك لمعة بروق 
وبنورك احتمي بليلي ودروبه 

عسى ربي لا يدوم هالكدر والفروق 
وعسى دعوتي لجل عينك سموعه 

أجيب راحتي لك بيديني سبوق 
أخطر العالم والناس لخاطرك جموعه 

إخذيني لهدب عينك عاشق ومعشوق
واسكني ميادين عاشقك في ضلوعه 

          -ن.ب

الجمعة، 3 مايو 2013

سر جمالها ..


    
هي الكلمات الوحيدة التي تعبر عن ملهمت شعري 
وان كتبت الى اخر يوم من حياتي لن اوفي حق جمالها .. 



هي سرها في مكنونها ولا منه فنود 
وهي من كل شي نادر تحتويه 

لعيونها اعوف البشر ولو بجحود 
وغن البحر لجلها لحنٍ يحليه 

ولامنه امتزج ريقها صار فيه ممدود 
صار البحر سكر .. ولجلها برتويه 

زولها يسامرني وانا منه محسود 
جالسٍ معهم والمشاعر تناديه 

لاتلوم طيفها في سما العين بلايا قيود 
من غلاها اضمه بين الحشا واباريه 

اغليها حيل ونبع الغلا عرضه ماله حدود 
بالطول فوق هامات السحب تلاقيه 

لاحي صوتها كنه ملا حشاي وقود 
تنتشي الروح منه وبقدومها تهليه 

الله بالزين اصخى لها ولامنه نجود 
احمد الله جابني لخطاها وجور لياليه 

في غنى الناس وفيها انا موعود 
ياحي هالحلال دام انا له راعيه 

           - ن.ب

الخميس، 2 مايو 2013

سفر صيفها ..




ابتعدت عن عيوني لأيام بحجة السفر ..

ولم اكن اعرف بأن اشواقي سوف تعصف بي

 لتكون لها هذه الابيات : 




يا هني النجوم اللي تشوفك 
وانا مالي غير الصبر وطاريك 

ادعي عسى الله الآمس كفوفك 
وعسى اللقى في شط موانيك 

اصعب شعور شبيه يطوفك 
والاصعب طيفه وين مارحت ياتيك

جمال رسمك ويا محلى وصوفك 
همسك وصوتك ترنملي اغانيك 

ارجع .. رتب اوضاعك وحروفك 
قولي احبك .. وانا بحضاني بخبيك

          - ن.ب